Prezidentiň Diwanynyň Metbugat sekretary Ibrahim Kalyn, ABŞ-nyň Milli howpsyzlyk boýunça geňeşçisi Jeýk Salliwan bilen telefon arkaly söhbetdeşlik geçirdi.
Prezidentiň Diwanyndan berlen beýannama görä, Kalyn bilen Salliwan telefon söhbetdeşliginde özara syýasy we ykdysady gatnaşyklar bilen birlikde Russiýa-Ukraina söweşi, Gündogar Orterýer deňizi, Şwesiýanyň we Finlýandiýanyň NATO agzalyk etaby, Siriýa, Yrak we terrora garşy göreş meselesiniň başda durmagynda sebitara we halkara meseleler hakynda pikir alyşdy.
G-20-niň Balide liderler derejesindäki maslahatynyň çäginde geçirlen duşuşyga hoşallyk bildirildi, sebitara we halkara meselelerde aragatnaşygyň dowam etdirilmegi babatynda ylalaşyk gazanyldy.
NATO agza Türkiýe bilen ABŞ-nyň strategik hyzmatdaşlyga we özara bähbide uly ähmiýet bermelidigi nygtaldy.
Kalyn bilen Salliwan goranyş senagaty pudagynda dowam edýän hyzmatdaşlygyň ähmiýetine ünsi çekdi.
Kalyn, telefon söhbetdeşliginde Türkiýäniň F-16-laryň berilmegi we döwrebaplaşdyrylmagy talabynyň Amerikan kongresi tarapyndan şertsiz tassyklanmagyna garaşýandygyny belledi.
Ukraina söweşiniň dowam etmeginiň halkara krizisiň çuňlaşmagyna sebäp bolýandygy, söweşiň bes edilmegi üçin gepleşikleriň ýaňadandan başlamagynyň möhümdigi nygtaldy.
Türkiýäniň ýesir çalşygy we galla geçelgesi ylalaşygy bilen birlikde hüjümleriň bes edilmegi üçin diplomatik tagallalaryny dowam etdirýändigi ýatladyldy.
Siriýada we Yrakda geçirilýän operasiýalarynda Türkiýäniň milli howpsyzlygyna wehim salýan terror guramasy PKK/PÝD/ÝPG-niň nyşana alynýandygyna üns çekildi.
Terrorçylykly hüjümlere sezewar bolýan Türkiýäniň BMG-nyň şertnamasynyň 51-nji maddasyna laýyklykda özüni goramak hukugynyň bardygy ýatladyldy we Türkiýäniň abanýan terror howplaryny ortadan aýyrmakda egilşik etmejekdigi bellenildi.
Finlýandiýa bilen Şwesiýanyň NATO agzalyk etabynda edýän tagallasyna hoşallyk bildirildi.