Bagam adalaryndaky Roýal kazinosy we Karib deňziniň garakçylary filmleriniň surata alnan ýeri bolan ada 100 million dollar nyrh bilen satuwa çykaryldy. Littl-Paýl-Keý adasyny kärendesine hem alyp bolýar. Bir gijelik kärendesine almak üçin 75-95 müň dollar tölemeli. Ada Florida ştatyndan uçarda gelip bolýar.
Adanyň çäginde birnäçe bina bar. Olaryň biri baş bina, şeýle-de dört sany kottej jaýlardyr. 12 ýatalgaly we 11 suwa düşülýän otagly ýaşaýyş öýüniň umumy meýdany 2 müň inedördül metr. Mundan başga-da bu ýerde uly howuz, iki sany gaýyk duralgasy, spa-zolak we dikuçar meýdançasy ýerleşýär diýip, New York Post gazetine salgylanýan MIR 24 ýazýar.