“Arsenal” topary “Çelsiniň” brazil ýyldyzy Willian bilen düzümini güýçlendirdi. Demirgazyk Londonyň wekili “Arsenal” 32 ýaşly hüjüme golaý ýarymgoragçy bilen 3 ýyllyk şertnama baglaşdy. Willian täze toparynda 12-nji belgide çykyş eder. 2013-nji ýylda “Çelsiniň” hataryna goşulan Willian ondan ozal “Anži”, “Şahtýor Donesk” hem-de “Korintians” toparlarynda oýnapdy.
* * *
Geçen 2 möwsümde “Býornli” toparynyň derwezesini goran Jou Hart “Tottenhamyň” hataryna goşuldy. 33 ýaşyndaky angliýaly derwezeçi londonlylar bilen 2022-nji ýylyň tomsuna çenli degişli bolan şertnama gol çekişdi. Karýerasynyň agramly bölegini “Mançester Sitide” geçiren Hart “Birmingem”, “Torino”, “West Ham” ýaly klublaryň hem köýnekçelerini geýdi.