Rus tennisçisi Daniil Medwedew US Open ýaryşynda ýeňiji bolany üçin 2,5 million dollar möçberinde pul baýragyny gazandy. Ol finalda serbiýaly Nowak Jokowiçi 6:4, 6:4, 6:4 hasabynda ýeňmegi başarypdy. Bu barada sport-express.ru habar berdi.
Baýrak gowşurylyş dabarasynda Medwedewe 2,5 million dollarlyk çek gowşuryldy. Ýeňiş gazanmak mümkinçiligini elden gidiren Jokowiç bolsa 1,25 million dollar gazandy.
Medwedew karýerasynda ilkinji gezek “Uly tuwulga” ýaryşynda ýeňiji boldy. 2 sagat 17 minut dowam eden bu duşuşykda rus tennisçisi 16 eýs aldy we 9 goşa ýalňyşlyk goýberdi, şeýle hem 8 breýk-pointiň 4-sinde üstünlik gazandy.