Türkiyäniň Milli Howpsuzlyk gullugy ekstremist terror guramasy PKK/ÝPG-niň Siriýanyň Kamyşly etrabynda agdarylan lider Başar Asatdan ele salan raketa, agyr ýarag we ok-däri bolan 2 ammary, 12 ýük ulagyny we 2 tanky ýok etdi.
Milli Howpsuzlyk gullugy ekstremist terror guramasy PKK/ÝPG-niň Asada bagly güýçlerden alan raketa, agyr ýarag we ok-därileri öz ammarlaryna geçirmäge başlandygyny anyklady.
Guramanyň agzalarynyň düýn gije ýaraglary we ok-därileri ýük ulaglara ýükländigini we ulag kerweni görnüşinde sebitden uzaklaşmaga başlandygyny anyklan Milli howpsuzlyk gullugy, operasiýa geçirmek barada karar kabul etdi.
Operasiýanyň netijesinde raketa, agyr ýarag we ok-däri bolan 2 ammar, 12 ýük ulagy we 2 tank ýok edildi.
Howpsuzlyk çeşmeleri ekstremist terror guramasynyň Türkiye serhediniň golaýynda jemlenmegine we Türkiyä garşy howp emele getirmäge synanyşmagyna asla rugsat bermejekdigini habar berdi.