Türkmen halkynyň köp asyrlyk taryhynda medeniýeti we sungaty diňe bir durmuşuň bezegi bolman, eýsem, milletiň şahsyýetini, onuň bitewiligini saklap gelen iň uly güýçdir. Şonuň üçin hem ýurdumyzda her ýylyň 27-nji iýununda Medeniýet we sungat işgärleriniň hem-de Magtymguly Pyragynyň şygyrýet güni uludan bellenilýär.
Bu baýram mynasybetli Türkmenistanyň Şekillendiriş sungaty muzeýinde hem “Milli medeniýet - öçmejek sungat” atly sergi guraldy.Sergide Türkmenistanyň halk suratkeşleri Ýakup Annanurowyň “Kompozitor Daňatar Öwezow”, Çary Amangeldiýewiň “Şükür bagşy”, Aman Amangeldiýewiň “Bagşy Ökdirow”, Nyýazmyrat Dowodowyň “Türkmenistanyň halk artisti Pürli Saryýew” şeýle-de Saparmämet Meredowyň “Sahy Jepbar, “Çary Täçmämmedow”, Iwan Ilýiniň “Magtymguly Pyragy”, Ahmet Hallyýewiň “Azady we Magtymguly” ýaly ajaýyp eserler sergilendi.
Sergimize medeniýet we sungat işgärleri hem gatnaşdy.Toýlary goşa-goşadan gelýän türkmen halkymyzyň toýlary toýa ulaşsyn!Türkmen medeniýetine, sungatyna uly hormat goýýan türkmen halkynyň milli Lideri Gahryman Arkadagymyzy, Arkadagly Gahryman Serdarymyzy hem-de mähriban türkmen halkymyzy ýetip gelýän hünär baýramymyz bolan, medeniýet we sungat işgärleriniň hem-de Magtymguly Pyragynyň şygyrýet güni bilen tüýs ýürekden gutlaýarys!