Medeniýet we syýahatçylyk ministri Mehmet Nuri Ersoý: "Topraklarymyzdaky islendik ot döwletimiziň güýjüniň, milletimiziň jebisliginiň we agzybirliginiň öňünde söner, raýatlarymyzyň ähli ýaralary saralar, topragymyzyň üstündäki küller sowrulyp öz ýerini al-ýaşyla we ýaşaýyşa berer" diýip habar berdi.
Anafartalar ýeňişiniň 106-njy ýyly mynasybetli Çanakgaladaky taryhy Gallipoli ýarymdasynda ýerleşýän Jonkbaýrynda dabara geçirildi.
Medeniýet we syýahatçylyk ministri Mehmet Nuri Ersoý, dabarada eden çykyşynda Türkiýedäki tokaý ýangynlaryna garşy alynyp barylýan göreşiň üstünde durup geçip: "Ýurdyň öz içinde we daşary ýurtlarda Türkiýe Respublikasynyň we türk milletiniň ýoluna böwet goýmaga, öňe gidişligimize päsgel bermäge, bizi maksatlarymyzdan uzaklaşdyrmaga synanyşýan her kim, taryhda hemişe bolşy ýaly şu günki gündede we gelejekdede ýeňlişe we zyýana sezewar bolar. Ýüreklerimize gorky, umytsyzlyk, çäresizlik salyp biljekdiklerini pikir edýänleriň ählisi bu milletiň egsilmez ygtyýarynyň, boýun bolmaýan häsýetiniň öňünde samramaga sezewar bolar.
Topraklarymyzdaky islendik ot döwletimiziň güýjüniň, milletimiziň jebisliginiň we agzybirliginiň öňünde söner, raýatlarymyzyň ähli ýaralary saralar, topragymyzyň üstündäki küller sowrulyp öz ýerini al-ýaşyla we ýaşaýyşa berer" diýip mälim etdi.
Ersoý, Çanakgaladaky jebislik we agzybirlik ruhunyň, kolonizator açgözlüginden üstün çykandygyny, Anafartalar ýeňişiniň her pursadynyň mertlik, batyrgaýlyk, ynanç dessany bolan Çanakgala söweşleriniň şöhratly bir sahypasydygyny beýan etdi.