Russiýanyň paýtagty Moskwada anna güni Krokus konsert zalyna guralan terrorçylykly hüjümde ýogalanlaryň sany 137 adama ýetdi.
Russiýanyň Derňew topary, hüjümde ýogalanlaryň sanynyň 3-i çaga 137 adama ýetendigini habar berdi.
Beýannamada, hüjüm hakynda gozgalan derňew işiniň dowam edýändigi, häzire çenli 62 jesediň şahsyýetiniň anyklanylandygy nygtaldy.
Beýleki tarapdan hüjüm bilen arabaglanşykly saklanan 11 şübheliden 4-i hakynda kazyýet işi gozgaldy.
Şübheliler Täjigistanyň raýatlary bolan Delerjon Mirzoýew, Saidakram Murodali Raçabalizoda, Fariduni Şamsidin we Muhammadsobir Faýzowyň 22-nji maýa çenli tussaglykda saklanmagy barada karar kabul edildi.