Müsürde ýolagçy otlusy demir ýoldan çykdy, heläkçilik Kair şäherinden demirgazykdaky Kalýub şäherinde boldy diýip, Habar 24 ýazýar.
Deslapky maglumatlara görä, otly relslerden çykdy we demir ýol stansiýasyna baryp uruldy. Azyndan iki adamyň gurban bolandygy, 23 adamyň ejir çekendigi aýdylýar. Halas edijiler adamlary zeper ýeten wagonlardan çykaryp, golaýdaky hassahanalara ýerleşdirdiler.
Heläkçiligiň sebäpleri öwrenilýär. Çaklamalaryň birine görä, otlynyň maşinisti tizligi ýokarlandyrypdyr. Hadysanyň sebäpleri derňelýär.