“Italiýa Açyk” “Masters” tennis ýaryşynda erkekleriň arasynda ispaniýaly Rafael Nadal, zenanlaryň arasynda-da ukrainaly Elina Switolina çempion boldy.Toýunsow meýdançada geçirilen ýaryşyň finalynda Nadal geçen ýylyň çempiony, germaniýaly Aleksandr Zwerewden 2:1 (6:1, 1:6, 6:3) hasabynda üstün çykdy. 31 ýaşly tennisçi Rimde 8-nji gezek çempion diýen ady eýeledi.
Bu onuň karýerasy boýunça gazanan 78-nji ATP çempionlygydyr.Zenanlaryň arasynda geçen ýylky final gaýtalandy.Ukrainaly Elina Switolina rumyniýaly Simona Halepi geçen ýyl bolşy ýaly, bu gezegem utmagy başardy.
Garşydaşyny 6:0 we 6:4 hasaplary bilen ýeňen Switolina Rimdäki yzly-yzyna 2-nji ýeňşini baýram etdi (WTA-daky 12-nji ýeňşi).