Uzak ýyllaryň dowamynda ýarymgeçiriji pudagynyň öňdebaryjy kompaniýasy bolan “Intel” soňky ýyllarda bäsdeşleriniň artmagy bilen yzda galypdy.Häzirki wagtda TSMC we “Samsung” ýaly kompaniýalar bu ugurda öňdeligi eýeleýär.
Amerikan brendi önümçiligini artdyryp, ýokarky basgançaklara çykmagy maksat edinýär.Geçen ýyl kompaniýa “Intel Foundry Services” atly bölümini esaslandyryp, beýleki brendler üçin hem çip önümçiligini ýola goýupdy.Kompaniýa 2030-njy ýyla çenli dünýäniň iň uly ikinji ýarymgeçiriji öndürijisi bolmagy meýilleşdirýär.
NVIDIA we “Qualcomm” ýaly brendler köp ýyldan bäri öz harytlaryny TSMC we “Samsung Foundry” kompaniýasyna sargyt edýär. Şeýle bolansoň, bu ugurdaky bäsdeşlik ýiti bolup, bu ýagdaý kompaniýalaryň has köp maýa goýum goýmaklaryny şertlendirýär.
Hakmyrat Hojaýew, Türkmen döwlet maliýe institutynyň talyby