Ösen ýurtlaryň jemi döwlet bergisi soňky 15 ýylda iki esseden hem artyp, 54 trillion dollara deň boldy. Muňa Ykdysady hyzmatdaşlyk we ösüş guramasynyň maglumatlary güwä geçýär diýip, Gazeta.ru ýazýar.
2008-nji ýyldan bäri görkeziji 30 trillion dollara çenli artdy, seljerijiler 2024-nji ýylyň ahyryna çenli munuň 56 trilliona ýetjekdigini çaklaýarlar.
Umumy döwlet bergisiniň esasy bölegi ABŞ-a degişlidir, ol 30 trillion dollar. Ýurduň esasy karz berijileri Hytaý we Ýaponiýa. Ýewropa Bileleşigine ösen ýurtlaryň jemi döwlet bergisiniň 20 göterime golaýy düşýär.
Ykdysady hyzmatdaşlyk we ösüş guramasyna ÝB-i, ABŞ-ny, Kanadany, Ýaponiýany we Türkiýäni goşmak bilen, 38 döwlet girýär. Olara dünýäniň jemi içerki önüminiň 60 göterime golaýy degişlidir.