Özbegistan “LADA” we “Renault” kysymly awtoulaglarynyň önümçiligini özleşdirmegi meýilleşdirýär. Taslama 2021-2023-nji ýyllar üçin ýurduň maýa goýum maksatnamasynyň çäginde durmuşa geçiriler diýip, “UzDaily” habarlar agentligi penşenbe güni habar berdi.
Özbegistanyň Prezidentiniň 2020-nji ýylyň 28-nji dekabryndaky Karary esasynda 2021-2023-nji ýyllar üçin maýa goýum maksatnamasy tassyklandy.
Habarda bellenilişi ýaly, “Jizzak” erkin ykdysady zolagyndaky “ADM-Jizzakh” zawodynda “LADA” we Renault” kysymly awtoulaglarynyň önümçiligi ýola goýlar.
Taslamanyň umumy bahasy ABŞ-nyň 60,9 million dollaryna barabar bolup, 2021-nji ýylda 33,3 million ABŞ dollaryna barabar bolan maýa goýumyň özleşdirilmegi meýilleşdirilýär.
Täze önümçiligiň iş kuwwaty ýylda 100 müň awtoulag öndürmäge mümkinçilik berer.