Özbegistan Türkmenistandan elektrik energiýasyny satyn alar. Bu barada Özbegistanyň prezidentiniň metbugat sekretary Şerzod Asadowa salgylanyp, UzDaily habar berýär. Muny centralasia.media ýetirýär.
Asadow ýakynda Özbegistanyň prezidenti Şawkat Mirziýoýewiň Aşgabada eden resmi sapary wagtynda taraplaryň energetika pudagynda hyzmatdaşlyk etmek barada ylalaşandyklaryny aýtdy. Onuň sözlerine görä, Özbegistan Türkmenistandan 4 mlrd kwt/s elektrik energiýasyny satyn alar. Özbegistanyň prezidenti Şawkat Mirziýoýewiň Türkmenistana resmi saparynyň dowamynda hyzmatdaşlygyň dürli ugurlary boýunça 10-dan gowrak resminama gol çekildi.