Orsýetiň daşary işler ministri eýranly kärdeşi bilen telefon arkaly söhbetdeşlikde Eýranyň kanuny hukuklaryny goldamagyny nygtady.
Pars Today-iň IRNA-a salgylanyp beren maglumatyna görä, Orsýetiň daşary işler ministri Sergeý Lawrow anna güni Eýranyň daşary işler ministri Seýid Abbas Aragçi bilen telefon arkaly söhbetdeşlikde Eýranyň kanuny hukuklaryny hormatlaýan adalatly syýasy we diplomatik çözgüt tapmaga Moskwanyň goldaw berýändigini nygtady.
Bu söhbetdeşlikde iki tarap Ženewada Eýran bilen ABŞ-nyň arasyndaky gytaklaýyn gepleşikleriň netijelerini göz öňünde tutup, Eýranyň ýadro meselesiniň häzirki ýagdaýy barada pikir alyşdylar. Orsýetiň Daşary işler ministrliginiň maglumatyna görä, Orsýet tarapy ýene-de bir gezek Ýadro ýaraglaryny ýaýratmazlyk şertnamasynyň ýörelgeleriniň çäginde gepleşik prosesine goldaw berýändigini bildirdi we Eýranyň kanuny hukuklaryny kepillendirýän çözgütleri tapmagyň zerurdygyny nygtady.
Bu söhbetdeşlikde ýadro meselesinden başga-da, ikitaraplaýyn gatnaşyklaryň gün tertibinde özara gyzyklanma döredýän käbir meseleler hem ara alnyp maslahatlaşyldy. Bu maslahat Tähran bilen Moskwanyň arasyndaky intensiw gatnaşyklaryň dowam etmeginiň çäklerinde, şol sanda Tähranda iki ýurduň arasyndaky Ykdysady hyzmatdaşlyk boýunça bilelikdäki komissiýanyň 19-njy mejlisinden soň geçirilýär, bu duşuşyk hyzmatdaşlyk resminamasyna we dört sany özara düşünişmek baradaky memoranduma gol çekildi.