Alymlar Adamlar ody oýlap tapmadylar, olar alawy açdylar diýip belleýärler. Ýyldyrymyň çakmagy bilen tokaýyň käbir ýerine uçgun düşüpdir hem-de alaw peýda bolupdyr. Adamlar öz ýaşaýan ýerine (gowak, öý) ot böleklerini we köz alyp gelipdirler. Olar şeýdip, ody söndürmän saklap, tebigy ýagtylykdan we gyzgynlykdan peýdalanypdyrlar. Eger ot sönse, ony gaýtadan ýakmak örän kyn bolupdyr.
Wagtyň geçmegi we medeniýetiň ösmegi bilen adamlar Ody nädip ýanyňda göterip bolar?diýen sowalyň çözgüdini gözläpdirler.Islendik wagt aňsatlyk bilen ýakyp bolýan usuly oýlap tapmaga synanyşypdyrlar.Maglumatlara görä, kükürtden öň, içinde suwuklandyrylan gaz we uçgun beriji bölegi bolan çakmak oýlanyp tapylypdyr.
Häzirki wagtda aşhanada giňden ulanylýan otluçöp adamzat taryhynda has giç peýda bolupdyr.Otluçöpden öň ot ýakmak üçin dürli gurallar ulanylypdyr. Çakmak daşyndan başlap, häziriki uçgun beriji gurallara çenli birnäçe synanyşyklar edilipdir.
Eýsem, otluçöp haçan oýlanyp tapyldyka?Otluçöpüň giç peýda bolmagynyň sebäpleri näme?!