Owganystanyň Hökümet Başlygy ynsanperwerlik kömegi üçin Berdimuhamedowa minnetdarlyk bildirdi

Owganystanyň Hökümet Başlygy ynsanperwerlik kömegi üçin Berdimuhamedowa minnetdarlyk bildirdi

Owganystan Yslam Emirliginiň Ministrler Kabinetiniň Başlygy Alhaj Molla Mohammad Hasan Ahund Prezident Gurbanguly Berdimuhamedowa 2021-nji ýylyň dekabrynda Owganystana ugradylan ynsanperwerlik kömegi üçin minnetdarlyk hatyny iberdi.

OYE-niň Ministrler Kabinetiniň Başlygy öz hatynda häzirki kyn şertlerde dostlukly Türkmenistan tarapyndan nebitgaz, azyk we dokma önümlerinden ybarat, şeýle giň möçberli kömegiň iberilmeginiň iki dostlukly halkyň hoşniýetli goňşuçylyk gatnaşyklarynyň aýdyň subutnamasydygyny nygtady.

Alhaj Molla Mohammad Hasan Ahund Owganystan Yslam Emirliginiň döredilmeginden soňra goňşy döwletiň gatnaşyklarynda täze döwrüň başlanandygyna ynam bildirip, Türkmenistanyň daşary syýasat edarasynyň ýolbaşçylarynyň Kabul şäherine saparynyň hem-de türkmen wekiliýetiniň 2021-nji ýylyň 20-21-nji noýabrynda Hyrat şäherinde geçiren duşuşyklarynyň bu gatnaşyklary has-da pugtalandyrandygyny belledi.

Şeýle hem OYE-niň Ministrler Kabinetiniň Başlygy hatynda Owganystan Yslam Emirliginiň bu duşuşyklaryň netijesinde gazanylan ylalaşyklary ýerine ýetirmäge doly taýýardygyny mälim etdi.

Ýene degişli makalalar

Maryly ýaşaýjylar owgan halkyna iberilen haýyr-sahawat ýardamlaryny ara alyp maslahatlaşýarlar
Türkmen-owgan gaz geçirijisiniň düýbüni tutmak dabarasy göz üçin edildi çeşmeler
Merkezi Aziýa adam hukuklaryny düýpli bozýandygyna garamazdan, "Talyban" bilen gatnaşyklaryny pugtalandyrýar
12 sany ykdysady taslama maliýeleşdiriler
Tbiliside Magtymguly Pyragynyň 300 ýyllygyna bagyşlanan surat sergisi açyldy
Taliban häkimiýete geçmeginden bäri ilkinji gezek bir adamy halk köpçüliginiň öňünde jezalandyrdy
Birleşik hepdesi mynasybetli Türkmensähranyň dürli künjeklerinde dabaralar geçirilýär