Ozon, bejegi serişdesi hökmünde-de peýdalanylýar. Ozon bejergisi ýa-da ozonoterapiýa, biynjalyklygy ýa-da ýarany bejermek maksady bilen bedeniňize ozon gazynyň berilmegini aňladýar. Ozon gazy, üç kislorod atomundan emele gelýän reňksiz gaz hökmünde kesgitlenýär. İmmunitet ulgamyny hereketlendirmek arkaly hassalyklary ýa-da biynjalyklyklary bejermek üçin peýdalanylýar.
Lukmançylyk ozony nämäni aňladýar?
Ozon bejergisinde peýdalanylýan lukmançylyk ozony, sap ozon bilen sap kisloroddan emele gelýär. Ozonyň konsenrasiýasy 1-100 mg/ml aralygynda üýtgeýär. Bu ugurda bilim alan lukmanlar keselliniň ýagdaýyna we lukmançylyk diagnozuna görä dozany kesgitlenýär.
1. Awtoimmun näsazlyklar allergiýalar, çişme keseller üçin peýdalydyr.
2. Ýaralary bejermek, ýokançlary aýyrmak üçin peýdalanylýar.
3. Wiruz, bakteriýa we kömelek keselleri ozonyň antimikrobial özbolyşlygy bilen bejerilýär.
4. Metabolik tizligi ýokarlandyryp, ýagyň işlenip çykarylmagyny artyrýar.
5. Süýji kesellilerde pankreatitde insulin işläp çykarýan öýjükleri bejerýär. Süýji keseliniň gözegçiligi üçin peýdalydyr.
6. Bedeniň serotonin hormonyny işläp çykaryşyny artdyryp, depressiw simptomlary azaldýar.
7. Kosmetiki maksatly ulanylýar. Garrylygyň öňüni alyjy täsiri bar. Aýratynamtoksinleriň bölünip çykarylmagyny çaltlandyryp, detoks täsir emele getirýar.
Lukmançylyk ozon bejergisiniň peýdalary
· Ozon gazynyň antiwiral we antibakterial täsiriniň bardygy bilinýär. Ýaralaryň arassalanmagy, bakteriýa we wirus sebäpli ýüze çykýan hassalyklaryň bejergisinde giňden peýdalanylýar.
· Gan aýlanyşyny çaltlandyrýandygy üçin onuň kadasyzlygy sebäpli ýüze çykýan hassalyklaryň bejergisinde ulanylýar.
· Pes dozalarda adamyň öz çydamlylygyny herekete geçirip, immunitet ulgamyny işjeňleşdirýär.
· Ozon: hroniki çişlere hem sebäp bolýan süýji keseli, holesteriniň ýokarlamagy, gan basyşynyň ýokarlamagy we awtoimmun hassalyklarynyň bejergisinde peýdalanylýar.
Ozon bejergisindäki maksat; bedeniň funksiýalarynyň kadalaşdyrylmagyndan ybaratdyr. Tamamlaýyjy bejergi hökmünde-de kabul edilýär. Şol sebäpli adamyň eger bar bolsa, hassalygy üçin dowam edýän bejergisi dowam etmelidir. Dowam edýän lukmançylyk bejergisini goldaýyjy hökmünde ozon bejergisi göz öňünde tutulýar.
Ozon bejergisi nähili edilýär?
Ozon bejergisi 5 görnüşlidir. Bularyň ählisinde-de ozon gazy dem alyş ýoly bilen içe çekilmeli däl. Bejergi usullary şulardan ybarat;
1. Esasy ozon bejergisi: Adamyň 50-100 millilitr ganynyň alynyp, ozon gazy bilen garylandan soň yzyna sanjylmagyny aňladýar.
2. Esasy bolmadyk ozon bejergisi: Adamyň 5-10 millilitr ganynyň alynyp, ozon gazy bilen garylandan soň yzyna sanjylmagyny aňladýar.
3. Gaplama: Lokal görnüşde bejeriljek ýere gönüden ozon gazynyň berilýän usulydyr. Ýaralaryň ähli görnüşi üçin peýdalydyr. Ýaranyň daşy ozona çydamly gap bilen gaplanýar we gabyň içine yzgiderli ozon gazy goýberilýär. Ozon gazy gury deri siňdirmeýändigi üçin ilki ýaranyň daşy ozon suwy bilen çyglandyrylmaly.
4. Tektal çemeleşme: Ozon gazynyň makat arkaly berilmegidir. İçege keselliler ýa-da damary açylmaýan adamlar üçin bejergi usulydyr. Adam bejergi mahalynda hiç zat duýmaýar.
5. Bogun için bejergi: Ozon gazynyň bogunyň içine gönüden sanjylmagyny aňladýar.
Ozon bejergisi kimlere berilmeli däl?
1. Ozon bejegisi özbolyşly ferment azlygy bolan “fawizm” kesellilerine berilmeli däl. Fazim; kösüklileriň iýilmeginden soň 24-48 sagadyň dowamynda ýüze çykýan ýiti keseldir. Ferment azlygy bolan adamlar, ozon gazynyň ganda emele getirýän metaboliki reaksiýalary ýüze çykaryp bilmeýär.
2. Göwreli we emdirýän aýallara, hroniki akogoliklere gadagandyr.
3. Gan basynjy ýokary bolanlar üçin derman ulanýanlar,
4. Ýokary derejeli ganazlyk,
5. Gan goýulaşmasy ýaly gan keselliler,
6. Zob mäzleriniň aşa işjeňliginde,
7. Hroniki ýa-da gaýtalanýan pankreatit iriňlemesinde,
8. Ýygy-ýygydan gaýtalanýan myşsa dartylmalarynda,
9. Ozona allergiýasy bolan demgysma kesellilerinde,
10. Infarkt bolanlar ýa-da ýürek-damar keselliler,
11. Ganamaly ýaralanmalary bolan adamlara ozon bejergisi berilmeli däl.
Ozon bejergisiniň zyýanly täsirleri barmy?
Ozon bejergisiniň bilinýän zyýanly täsiri ýok. Kadaly doza bolman halatynda bejergi netijesizdir. Ozon bejergisine başlanan 4-5 seans soň adamda “gowulanma dartgynlygy” atlandyrylýan ýadawlyk, kelle agyrysy, ysgynsyzlyk ýaly biynjalyklyklar ýüze çykyp bilýär. Bejergä dowam edilen halatynda olar hem aýrylyp gidýär.
Ozon bejergisi näçe wagt dowam edýär?
1 seansy ortaça 30-45 minut dowam edýän ozon bejergisinde 6-10 seans kurs soň aýlyk barlaglaryň geçirilmegi maslahat berilýär. Bejerginiň başynda seanslar hepdede 2 gezek, wagtyň geçmegi bilen bolsa aýda bir gezek almak ýeterlik bolýar.