Türkiyäniň Prezidenti Rejep Taýýip Erdogan Günorta Koreýada başdan geçirilen uçar heläkçiliginde ýogalan adamlar sebäpli gynanç ýüzlenmesini çap etdi.
Prezident Erdogan sosial media hasabyndan beren beýanatynda: "Dostlukly ýurt Günorta Koreýa Respublikasynyň Muan halkara howa menzilinde başdan geçirilen uçar heläkçiligi bizi çuňňur gynandyrdy. Wakada ýogalan adamlaryň maşgalalaryna, dostlukly Günorta Koreýanyň halkyna we hökümetine öz adymdan we milletimiň adyndan gynanç bildirýärin" diýip habar berildi.
Taýlandyň Bangkok şäherinden ýola çykan Jeju Air howa ýollary kärhanasyna degişli ýolagçy uçary Günorta Koreýada gonuş zolagynyň çäklerinden çykyp, diwary süsüpdi.
Düzüminde 175 ýolagçy we 6 ekipaž jemi 181 adamyň bolan uçarda, 179 adamyň ýogalandygy habar berilipdi.
Günorta Koreýanyň hökümedi 4-nji ýanwara çenli milli derejede ýas yglan edipdi.