Prezidentiň ýanyndaky Kommunikasiýalar edarasyndan berlen beýannama görä, telefonferensiýa arkaly geçirlen duşuşyga ABŞ-nyň Prezidenti Donald Tramp, Bahreýniň Şasy Hamed bin Isa Ali Halife, Birleşen Arap Emirlikleriniň döwlet Ýolbaşçysy Şyh Muhammed bin Zaýed Al Nahaýan, Kataryň Emiri Şyh Temim bin Hamad Al Sani, Müsüriň Prezidenti Abdulfettah as-Sisi, Saud Arabystanynyň Mirasdar Şazadasy Muhammed bin Salman, Iordan Şasy Abdullah II we Pakistanyň Baş ştabynyň başlygy Asym Münir bilen ABŞ-nyň Prezidentlik geňeşiniň agzlary gatnaşdy.
Duşuşykda Eýranda we Ýakyn Gündogarda başdan geçirilýän soňky wakalar seljerildi.
Prezident Erdogan, Türkiýäniň kynçylyklaryň we dartgynlyklaryň gepleşik we diplomatiýa arkaly çözülmegine goldaw berýändigini aýtdy.
Prezident Erdogan ABŞ bilen Eýranyň arasynda gazanyljak ylalaşyga laýyklykda gämileriň Ormuz bogazyndan erkin ýagdaýda geçmegine rugsat berilmeginiň sebitiň durnuklylygy taýdan möhümdigini we bu ýagdaýyň dünýäniň ykdysady ösüşinde uly rol oýnajakdygyny nygtady.
Gepleşik etabyna goşant goşan ýurtlara sagbolsun aýdan Erdogan, Eýran bilen gazanyljak ylalaşygyň ýerine ýetirliş etabynda Türkiýäniň ähli taraplaýyn goldaw bermäge dowam etjekdigini belledi.