Ministrler kabinetiniň 1-nji dekabrda geçirilen mejlisinde medeniýet boýunça wise-premýer Annageldi Garajaýew dekabr aýyna planlaşdyrylan medeni çärelere, desgalaryň açylyşyna, şeýle-de 5-6-njy dekabrda Türkiýäniň Medeniýet günlerini geçirmek işlerine görülýän taýýarlyklar barada habar berdi diýip, TDH döwlet habar agentligi habar berýär.
Prezident täze gurlan we Halkara bitaraplyk güni (12-nji dekabr) mynasybetli ulanmaga beriljek binalary açmak dabaralaryny “ýokary guramaçylyk derejesinde” geçirmegi tabşyrdy.
Şeýle-de prezident Bahargül Abdyýewany, başga işe geçýändigi sebäbpli, medeniýet ministriniň orunbasary wezipesinden boşatmak hem-de bu wezipä Nursähet Şirimowy bellemek baradaky karara gol çekdi.
Onuň işden boşadylmagynyň başga sebäbi aýdylmaýar.