Nepalyň Prezidenti Bidhýa Dewi Bhandari düýn, ýekşenbede ýurduň Kommunistik partiýasynyň başlygy Puşpa Kamal Dahaly Hökümet başlyklygyna belledi. Bu barada The Himalayan Times gazeti Prezidentiň diwanyna salgylanyp habar berdi diýip, TASS ýazýar.
Prezident Dahaly Parlamentiň Wekiller palatasynda deputatlaryň köplüginiň sesini alandan soň bu wezipä belledi diýlip habarda aýdylýar. Täze Premýer-ministr şu gün, 26-njy dekabrda kasam kabul eder.
68 ýaşly Dahal öň kommunistçi gozgalaňçylara baştutanlyk edipdi we Ýoldaş Praçanda diýen at bilen bellidi.
Syýasatçy eýýäm üçünji gezek Nepalyň hökümetine ýolbaşçylyk edýär. Ol öň bu wezipäni 2008-2009-njy hem-de 2016-2017-nji ýyllarda eýeläpdi.