Demirgazyk Koreýanyň halkynyň ýurduň iň ýakyn dostu hökmünde Russiýanyň döwlet Ýolbaşçysy Wladimir Putini görýändigi nygtaldy.
Demirgazyk Koreýanyň köpçülikleýin habar beriş serişdeleriniň, ýurduň Daşary işler ministri Çhwe Son Hiniň geçen hepde Moskwa guran saparyndan soň çap eden habarynda, Russiýanyň lideri Putiniň Demirgazyk Koreýanyň halkynyň iň ýakyn dosty hökmünde görülýändigi nygtaldy.
Habarda, “Demirgazyk Koreýanyň hökümeti, Russiýanyň döwlet Ýolbaşçysy Putiniň ýurdumyza gurajak saparyndan hoşal bolar we Koreýanyň halky, ýakyn dostuny myhman almaga taýar” diýildi.
Russiýanyň döwlet Ýolbaşçysy Putin, soňky gezek Demirgazyk Koreýa 2000-njy ýylda sapar gurapdy we döwrüň lideri häzirki Kimiň kakasy Kim Çen İr bilen duşuşypdy.