Eýran Yslam Respublikasynyň Prezidenti Eýran bilen Pakistanyň ýaragly güýçleriniň arasyndaky gowy gatnaşyklar iki ýurduň serhedinde gowy howpsuzlyk şertleri we döredendir diýdi.
Pakistan goşunynyň Baş ştabynyň baş komitetiniň başlygy general Nadim Reza harby wekiliýetiň başynda Eýrana sapar etdi.
IRNA-nyň habaryna görä, Eýran Yslam Respublikasynyň prezidenti Seýid Ybraýym Raisi sişenbe güni Pakistan goşunynyň Baş ştabynyň baş komitetiniň başlygy Nadim Reza bilen duşuşanda Eýran serhedindäki howpsuzlyk ýagdaýyny gowulandyrmakda Pakistanyň hökümeti bilen goşunynyň hyzmatdaşlygyna ýokary baha berdi.
Eýran Yslam Respublikasynyň Prezidenti, Owganystanda ABŞ we NATO güýçleriniň iki onýyllygynyň dowamynda bu ýurt üçin öldürmekden we ýok etmekden başga netijäniň ýokdugyny aýtmak bilen Talyban, ähli etnik toparlaryň we kowmlaryň gatnaşýan öz içine alyjy hökümet gurmak arkaly Owganystanda parahatçylygy we ösüşi üpjün etmelidir diýdi.
Duşuşyga Pakistan goşunynyň Baş ştabynyň başlygy Nadim Reza hem Pakistan goşunynyň Baş ştabynyň başlygy hökmünde men hemişe Eýranyň Pakistanyň ýakyn dostudygyna ynanýardym diýmek bilen Pakistanyň resmileriniň soňky bir aýda Eýrana eden köp sanly diplomatik sapary, Eýran Yslam Respublikasy bilen gatnaşyklary giňeltmek islegimiziň subutnamasydyr diýdi.