Dünýäniň iň meşhur kluby Ispaniýanyň “Real Madrid” topary stadionynyň adyny üýtgetdi. Has takygy, “Santiago Bernabeu” stadiony diňe “Bernabeu” ýa-da “Estadio Bernabeu” diýlip atlandyrylar. Klub tarapyndan berlen beýanatda, marketing hem-de korporatiw maksatlar üçin täzeden brending işleriniň çäginde stadionyň adynyň üýtgedilendigi bellenilýär.
1944-47-nji ýyllar aralygynda gurlan stadiona 1955-nji ýylda klubuň ozalky futbolçysy, 1943-1978-nji ýyllar aralygynda 34 ýyllap klubuň prezidenti bolan Santiago Bernabeunyň (1895-1978) ady dakylýar.
Stadionda 1982-nji we 2001-nji ýyllarda abatlaýyş işleri geçirildi. 2019-2024-nji ýyllarda bolsa düýpli abatlaýyş işlerinden soň häzirki, ajaýyp, innowasion durkuna getirildi.