Ýaponiýada ýerden alnan ilkinji hasyly, deňizden tutulan ilkinji balygy auksion arkaly satmak däbi bar.Bu auksion ýurduň milli gymmatlygy bolup, syýahatçylaryň hem ünsüni çekýär.Täze ýylyň bellenilýän günlerinde ýurtda deňizden tutulan gök ýüzgüçli tunes balygy auksionda satylyp, 2019-njy ýyldaky rekordy täzeledi. 2019-njy ýylda Tokiodaky auksionda bir balyk 333,6 million ýene satylypdy.
Bu gezek bolsa, täze awlanan balyk 510 million ýene (3,24 million amerikan dollary) satyldy.Balygyň aşa gymmat bahadan satylmagynyň birnäçe sebäbi bar.Olaryň biri deňiz jandaryna islegiň ýokary hem-de sanynyň az bolmagy bilen baglydyr.
Sebäbi tebigaty goramak maksady bilen bu balyklaryň az sanlysynyň tutulmagyna rugsat berilýär. Şeýle hem, adatça, müşderilerine deňiz önümlerinden taýýarlanan tagamlary hödürleýän dünýä belli restoranlar tarapyndan satyn alynýar.Bu bolsa, tunes balyklarynyň meşhurlygyny artdyrýar.
Ýaponiýa balyk we beýleki deňiz önümlerini sarp etmekde dünýäde öňdäki orunlary eýeleýär.
Ogulgerek Işangulyýewa,
S.A.Nyýazow adyndaky Türkmen oba hojalyk uniwersitetiniň talyby.