Rus goşunlarynyň düýn Ukrainanyň paýtagty Kiýewiň demirgazyk gündogarynda ýerleşýän Çerniow şäherine guran howa hüjüminde asuda ilatdan ölenleriň sany 47 adama ýetdi.
Ukrainanyň Adatdan daşary ýagdaýlar gullugyndan berilen beýannama görä rus goşunlarynyň Çernihowda jemgyýetçilik binalara guran howa hüjüminde ölenleriň sany artdy.
Beýannamada käbir binalaryň ýykylandygy, harabalygyň aşagyndan 47 adamyň jesediniň çykarylandygy mälim edildi.
18 adamyň bolsa ýaralanandygy, hüjümleriň güýçlenmegi sebäpli gözleg we halas ediş işlerine arakesme berilendigi habar berildi.
Rus goşunlary düýn irden bolsa şäherdäki ýangyç ammaryny bombalapdy.
Beýleki tarapdan Ukrainanyň Ýadro ulgama gözegçilik geňeşi Ýewropanyň esasy Ýadro bekedi Zaparožýäniň rus goşunlarynyň gözegçiligine geçendigini habar berdi.
Geňeşiň beýannamasynda beketdäki elektrik önümçiliginiň dowam edýändigi, radiasiýa mukdarynda haýsydyr bir üýtgeşikligiň anyklanmandygy nygtalýar.
Ukrainanyň döwlet Ýolbaşçysy Wladimir Zelenskiý Russiýanyň Zaparožýe atom energiýa bekediniň bombalanmağy hakynda; “Rus goşunlary Zaparožýe ýadro bekedine hüjüm etdi. Rus tankçylary niräni urýandyklaryny gowy bilýärler. Çernobelden 6 esse uly apat bolup bilerdi. Bu waka terror aksiýasydyr” diýdi.
Russiýanyň Ukraina güjümleri 9-njy gününde dowam edýärkä, Zelenskiý soňy wakalar hakynda beýannama berdi.
Russiýanyň asuda ilatyň ýaşaýan ýerlerine bilkastlaýyn bombalaýandygyny aýdan Zelenskiý, uçuş gadagançylygynyň girizilmegini talap edip; “Ýadro desgalarynyň urulmagynyň öňüni diňe uçuşa gadagan zolaklaryň yglan edilmegi alyp biler” diýdi.
Zelenskiý häzirki wagtda çenli 9,200 rus esgeriniň öldürilendigini hem beýan etdi.