Russiýanyň Fedaral Monapoliýa garşy göreş gullugy (FAS) Amerikanyň tehnologiýa ägirtlerinden “Apple” kompaniýasyna rus monapoliýa garşy kanunlaryny bozandygy sebäpli 12 million dollara barabar jerime saldy.
FAS-dan berilen beýannamada “Apple” kompaniýasyna 26-njy aprelde monapoliýa garşy kanunlary bozandygy sebäpli 906 million rubldan gowrak girdeji jerimesi salyndy” diýilýär.
“Apple” bolsa karara nägilelik bildirjekdigini beýan etdi.
Global kiber howpsuzlyk firmasy “Kasperskiý Lab” 2020-nji ýylyň awgustynda “Apple” kompaniýasyny öýjükli telefon tilsimatlary bazaryndaky pozisiýasyndan hyýanatçylykly peýdalanmakda günäkärläp FAS-a ýüz tutupdy.