Kremliň metbugat sekretary Dmitriý Peskow, Prezident R. T. Erdoganyň parahatçylygyň goralmagy üçin edýän töwellaçylyk tagallalaryna kanagatlanma bildirýändiklerini aýtdy.
Peskow, paýtagt Moskwada gün tertibiniň ileri tutulýan ugurlary hakynda metbugata beýannama berdi.
Türkmenistanyň Halk Maslahatynyň Başlygy Gurbanguly Berdimuhamedowyň Erdoganyň parahatçylyk tagallalary sebäpli Nobele dalaşgärlige hödürlenmegi baradaky teklibi hakynda durup geçen Peskow “Elbetde Erdoganyň parahatçylygyň goralmagy üçin edýän töwellaçylyk tagallalaryna we Russiýa-Türkiýe gatnaşyklarynyň ösmegi üçin edýän tagallasyna kanagatlanma bildirýäris” diýdi.
Kremliň metbugat sekretary Dmitriý Peskow, Türkiýäniň, Ukrainanyň, Russiýanyň we BMG-nyň arasynda 2022-nji ýylyň 22-nji iýulynda Stambulda gazanylan we 18-nji martda möhledi gutarýan Galla geçelgesi ylalaşygynyň uzadylmagy barada bolsa “Russiýa ylalaşygy 60 gün möhlet bilen uzadýar” diýdi.