Ukrainanyň Döwlet demirýollary firmasy Ukrzalisnytsia şenbe güni beren beýannamasynda, rus dronlary we raketalary tarapyndan guralan hüjümde Kiýewiň golaýyndaky otly bekedindäki wagonlara we ammara uly zeper ýetirlendigini mälim etdi.
Fastiw şäherçesine düýn gije guralan hüjümde adam pidasynyň çekilmändigi bellenildi.
Russiýa soňky hepdelerde Ukrainanyň energetika pudagyna we infrastruktura guraýan hüjümlerini artdyrdy.
Ukrainanyň Döwlet demirýollary firmasy Ukrzalisnytsia, Telegramdan beren habarnamasynda, paýtagtda we Ukrainanyň demirgazyk gündogarynda ýerleşýän Çernigow şäheriniň golaýynda hüjüm sebäpli käbir otly saparlarynyň bes edilendigine ünsi çekdi.
Habarnamada hüjüm sebäpli ýangynyň bolandygy we käbir ýerlere zeper ýetirlendigi nygtaldy, emma mesele hakynda giňişleýin maglumat berilmedi.
Ukrainanyň Galkynyş ministrligi, Çernigow, Zaparožýe, Lwow we Dnipropetrowsk sebitlerinde elektrik beketleriniň we ýylylyk önümçilik merkezleriniň nyşana alynandygyny mälim etdi.
Mesele hakynda Telegramdan berlen habarnamada günorta Odessada 9500 hojalygyň ýylylyk hyzmadynyň, 34 müň hojalygyň bolsa suw hyzmadynyň kesilendigi ýatladyldy.
Ministrlik Odessa portundaky desgalara we paýtagtyň energetika infrastrukturasyna zeper ýetirlendigini habar berdi.