Russiýanyň Gawanadaky ilçihanasyna görä, Russiýa ýakynda Kuba nebit we nebit önümlerini öz içine alýan ynsanperwer kömegini bermegi meýilleşdirýär.
Ilçihananyň penşenbe güni Russiýanyň “Izwestiýa” gazetine beren beýannamasynda, “Ýakynda Russiýanyň Kuba nebit we nebit önümlerinden ybarat ynsanperwer kömegi ugradylar” diýildi.
Beýannamada Russiýanyň Kubadaky raýatlarynyň howpsuz ýagdaýda ýurtlaryna dolanmagy maksady bilen rus howa ýoly firmasy Aeroflodyň Kubanyň degişli ýolbaşçylary bilen aragatnaşyk saklaýandyklary bellenildi.
Aeroflot Kubadaky ruslar üçin Waradero we Gawanadan goşmaça uçar saparlarynyň guraljakdygyny mälim edipdi.
Russiýanyň Ykdysadyýet ministrligi, ýurtdaky ýangyç ýetmezçiligi sebäpli rus syýahatçylaryna Kuba syýahat etmezliklerini maslahat beripdi.
ABŞ-nyň harby goşunynyň 3-nji ýanwarda Wenesuelanyň Prezidenti Nikolas Madurony zamun almagyndan soň Kubadaky ýangyç krizisi has çuňlaşdy.
Wenesuela Kuba nebit eksport edýän esasy ýurtlardan biridi.