Rus energetika firmasy DTEK, Russiýanyň Ukrainanyň günortasyndaky Gara deňiz sebitiniň Odessa şäherinde energetika desgasyna guran hüjüminiň maddy taýdan uly ýitgi çekilmegine sebäp bolandygyny habar berdi.
DTEK tarapyndan sişenbe güni berlen beýannamada “Hüjüm sebäpli desga uly zeper ýetirildi. Desganyň abatlaýyş işleri birnäçe wagt dowam edip biler” diýildi.
Gubernator Oleg Kiper mesele hakynda beren beýannamasynda, hüjüm sebäpli sebitde käbir ilatly ýerleriň elektrik togynyň kesilendigini aýty.
Kiper Telegramdan beren habarnamasynda “Duşman tutuş gije Odessa guraýan hüjümlerini dowam etdirdi” diýdi.
Resmi Moskwa oktýabr aýyndan bäri Ukrainanyň energetika pudagyny nyşana almaga dowam edýär.
Rus hüjümleri sebäpli aşa sowuk howalarda millionlarça adamyň elektrik togy kesildi. Hüjümler ýyladyş ulgamynyň bökdelmegine sebäp boldy.
Odessa şäheri we töwerekleri ýygy-ýygyndan hüjümlere sezewar bolýar.