Russiýa ÝB-niň 20-njy sanksiýa bukjasyny tankyt etdi we degişli gaýtawulyň görkeziljekdigini duýdurdy.
Russiýanyň ÝB-niň ýanyndaky hemişelik wekilhanasy tarapyndan penşenbe güni berlen beýannamada ÝB-niň ýene-de bir gezek halkara hukugyna we BMG-nyň düzgünnamalaryna äsgermezçilik edendigi öňe sürdi.
Moskwa diňe BMG-nyň Howpsuzlyk geňeşi tarapyndan tassyklanan sanksiýalaryň kanunlara bap gelýändigini nygtady.
Beýannnamada “BMG-nyň Howpsuzlyk geňeşi tarapyndan kabul edilmedik ähli kararlar bir taraply çärelerdir. Bular halkara hukugyna, BMG-nyň düzgünnamalaryna we döwletleriň arasyndaky parahatçylyk gatnaşyklaryna bap gelmeýär” diýildi.
Russiýa tarapyndan ÝB-niň 20-njy sanksiýa bukjasy “Russiýa garşy bikanun çäklendiriji çäreler” hökmünde häsiýetlendirildi.
Russiýanyň ÝB-niň ýanyndaky hemişelik wekilhanasy tarapyndan berlen beýannamada rus ykdysadyýetiniň ähli çäklendirmelere garşy durnuklylygyny goraýandygy nygtaldy.
Beýannamada ÝB-niň öz ykdysadyýety we energiýa howpsuzlygy meselesi bilen ýakyndan gyzyklanmalydygy bellenildi.
Ýewropa Komissiýasyndan berlen beýannama görä, ÝB penşenbe güni Russiýa garşy 20-njy sanksiýa bukjasyny kabul etdi.
Wengriýada wezipesinden aýrylan Premýer-ministr Wiktor Orban Russiýa garşy täze sanksiýalaryň goýulmagyna garşy durýardy.
Wengriýadaky häkimiýet çalşygy şol garşylyklary ortadan aýyrdy we sanksiýalaryň öňünü açdy.