Russiýanyň Goranmak ministrliginden berilen beýanatda, Garabagdaky ýagdaý barada maglumat berildi.
Sebitdäki ot açmazlyk baradaky ylalaşygyň düzgüniniň bozulandygy bellenen beýanatda: "Hankendi şäherindäki Russiýa-Azerbaýjan umumy gözegçilik toparyna şahsyýeti entek anyklanmadyk adam tarapyndan snaýper ýaragy bilen ot açyldy. Adam ýitgisi çekilmedi" diýip habar berildi.
Beýanatda mesele bilen bagly Rus Parahatçylyk güýji Azerbaýjan tarapy we Garabagdaky ermeni ilatyň wekilleri bilen bilelikde derňew işini geçirýändigi mälim edildi.