Saud Arabystanynyň howa güýçlerine degişli F-15 kysymly harby uçaryň adaty tälim uçuşyny amala aşyrýarka tehniki näsazlyk sebäpli heläkçilige uçrandygy habar berildi.
Saud Arabystanynyň resmi SPA habarlar gullugy, Goranmak ministrliginiň metbugat geňeşçisi Turki Al Malikiniň mesele hakyndaky beýannamasyna ýer berdi.
Howa güýçlerine degişli F-15 kysymly harby uçaryň düýn agşamara ýurduň gündogarynda ýerleşýän Şa Abdulaziz howa merkezinde tälim uçuşyny amala aşyrýarka heläkçilige uçrandygyny aýdan Maliki, uçaryň uçarmany bilen kömekçi uçarmanyň heläkçilikden sag aman halas bolandygyny ýatlatdy.
Maliki heläkçilik hakynda derňew işiniň gozgalandygyny belledi.