Türkiýäniň iň uly welaýaty bolan Stambulyň ilaty 2024-nji ýylda 15 million 701 müň 602 adama ýetdi.
Türkiýaniň Hasabat guramasynyň we BMG-nyň Ilat gaznasynyň 2024-nji ýyldaky görkezijilerine görä, Stambulyň ilaty 2024-nji ýylda 45 müň 678 adam artyp 15 million 701 müň 602 adama ýetdi.
Türkiýäniň jemi ilatynyň 18,3 göterimi Stambul şäherinde ýaşaýar.
Stambulda 7,82 million erkegiň we 7,88 million zenanyň ýaşaýandygy anyklandy.
Türkiýäniň iň uly şäheri bolan Stambul 15,7 milliondan geçýän ilaty bilen birnäçe ýurtdan öňe geçdi.
Stambul BMG-nyň Ilat gaznasynyň 2024-nji ýyldaky görkezijilerine görä 204 ýurduň we 131 sebitiň öňüne geçdi.
BMG-nyň Ilat gaznasynyň görkezijilerine görä Belgiýada 11,7 million, Çeh Respublikasynda 10,3 million we Wengriýada 10 million adam ýaşaýar.