Apple-i esaslandyryjy Stiw Jobsa degişli Macintosh SE kompýuterini 22-nji oktýabrda boljak Bonham's History of Science and Technology auksionyna goýarlar.Lotuň teswirinde şeýle diýilýär: "Macintosh SE kompýuteri, Kupertino, Kaliforniýa, Apple Computer, 1987-nji ýylyň aýagy, 20 MB-lyk içki gaty diskli, klawiaturaly, syçanjykly we ätiýaç üçin goşmaça gaty diskli.
Stiw Jobs tarapyndan häzirki eýesine, NeXT, Inc.işgärine sowgat berlen".
Söwdalaşyga goýlan kompýuteri Jobs Apple-den işden çykarylansoň ulanypdyr. 1988-nji ýylda Mac onuň NeXT kompaniýasynyň ofisinde durýan eken.Bu kompaniýany ol 1985-nji ýylda Apple-den gidenden soň esaslandyrypdyr.
Ol kompýuterini 1994-nji ýylda häzirki eýesine beren eken.Birmahal Stiw Jobsuňky bolan kompýutere 200-300 müň dollar baha kesilýär.Jobs Macintosh-a PK-laryň satlyga çykmagy bilen IBM meýinamasy üçin Apple-e beren jogaby hökmünde seredipdir. Ýadynyň pesdigi, gaty diskiniň ýokdugy we programma üpjünçiligindäki kynçylyklar sebäpli onuň söwdasy o diýen şowlamandyr, ýöne ahyrda şowly Apple kompýuterler hatarynyň döremegine getiripdir.
Macintosh SE - 1987-1990-njy ýyllar aralygynda Apple-iň Macintosh II bilen deňine goýberen personal kompýuteri.Bu kompaniýanyň rasşireniýe sloty bilen enjamlaşdyrylan birinji kompýuteridir, bu modeliň adynda hem şöhlelenýär (iňl.
System Expansion).