Gonkong, Bangkok (Tailand) hem-de London (Beýik Britaniýa) syýahatçylaryň saýlan iň meşhur şäherleri boldy.Bu babatda “Euromonitor International” seljerme kompaniýasy habar berdi.Gonkong 30 million, Bangkok 22,5 million, London bolsa, 20 milliona golaý syýahatçy kabul etdi. Şonuň üçin bu şäherler syýahatçylaryň saýlamagyna görä, iň meşhur şäherler hökmünde kabul edildi.
Mundan başga-da, sanawda Hytaýyň Makao, Singapur, Fransiýanyň Pariž, BAE-niň Dubaý, ABŞ-nyň Nýu-Ýork, Malaýziýanyň Kuala-Lumpur şäherleri bar.Çžuhaý-Makao-Gonkong köprüsiniň ulanmaga berilmegi hem-de ýokary tizlikli demir ýol gatnawynyň ýola goýulmagy bilen Gonkonga bolan gyzyklanma has-da artdy.Ýewropa sanawynda London we Pariž şäherlerinden soňra, üçünji orny Stambul eýeledi.
Türkiýäniň bu iri şäheri Ýewropanyň Rim, Praga, Amsterdam, Berselona, Milan we Wena ýaly şäherlerinden öňe saýlandy.Stambul takmynan 12 million jahankeşde kabul etdi.Russiýanyň paýtagty bu sanawda 46-njy orunda durýar.
Moskwa 5,4 million, Newa derýasynyň boýundaky Sankt-Peterburg bolsa 4 milliona golaý daşary ýurtly myhman kabul etdi.
Handurdy MUHAMOW,Gazojak şäheriniň 12-nji orta mekdebiniň mugallymy.