Siriýanyň demirgazygynda “Zeýtun Şahasy” operasiýasy zolagynda hüjüm guramaga synanşan ekstremist terror guramas PKK/ÝPG-ä agza 2 terrorçy täsirsiz ýagdaýa getirildi.
Milli Goranmak ministrliginden berlen beýannamada, durnuklylygy we howpsuzlygy bozmak islän terrorçylaryň hüjüm synanşygynyň öňüniň alynandygy nygtaldy.
Beýannamada, esgerleriň “Zeýtun Şahasy” operaäsiýasy zolagynda hüjüm guramaga synanşan ekstremist terror guramas PKK/ÝPG-ä agza 2 terrorçyny täsirsiz ýagdaýa getirendigi bellenildi.
Beýleki tarapdan, Milli Howpsuzlyk gullugy, Yragyň demirgazygynda “Penje Gulp” operasiýasy zolagynda hüjüm guramak üçin taýarlyk görýän terror guramasy PKK/KJK-nyň Metinadan jogapkär ýolbaşçysy Jahit Aktary täsirsiz ýagdaýa getirdi.
Içeri işler ministri Ali Ýerlikaýa, sosial mediadan beren habarnamasynda, 28 welaýatda 4 müň 731 topardan ybarat 61 müň 500 hünärmeniň gatnaşmagynda geçirlen “Gahrymanlar” operasiýasynyň çäginde terrorçylar tarapyndan gyş aýlarynda ulanylmak üçin taýarlanan 11 gowagyň we gaçybatalganyň hatardan çykarlandygyny mälim etdi.