Türkiýäniň Milli Goranmak ministrliginden berilen beýanatda, Siriýanyň demirgazygynda terrorçylaryň hüjüm guramak synanyşyklarynyň jogapsyz galmandygy aýan edildi.
Beýanatda Zeýtun Şahasy operasiýasy sebitindäki bazalaryň birine od açan ekstremist terror guramasy PKK/ÝPG-e agza 14 terrorçynyň täsirsiz ýagdaýa getirilendigi habar berildi.
Beýleki tarapdan bolsa Şyrnak welaýatynda geçirilýän Eren Gabaw-27 operasiýasynyň çäginde saklanan terrorçylaryň sany 2-ä ýetdi.
Içeri işler ministri Süleýman Soýlu, Şyrnak welaýatynyň Silopi etrabynda ýene-de bir terrorçynyň saklanandygyny mälim etdi.
Içeri işler ministri Süleýman Soýlu Twitterden beren beýannamasynda: "Hinlerinden kellelerini çykaran pursatlary gahryman esgerlerimiz terrorçylary saklaýarlar" diýip belledi.
Silopi etrabynyň Judi Dagy sebitinde bir terrorçynyň sebitde gözleg we saplaýyş işlerini geçirýän Žandarma güýçleriniň ünsleri saýasynda saklanandygyny aýdan Süleýman Soýlu, Žandarma güýçlerini gutlady.
Içeri işler ministrliginden şu gün irden berilen beýanatda, ady agzalan sebitde saklanan terrorçylaryň sanynyň 2-ä ýetendigi aýan edildi.