Paýtagt Ankarada Türk Awiasiýa we kosmos senagaty firmasy TUSAŞ-a guralan terrorçylykly hüjümde 5 adam şehit boldy.
Içeri işler ministri Ali Ýerlikaýa, Kazan etrabynda ýerleşýän TUSAŞ-a Türkiýe wagty bilen 15.26-da guralan terrorçylykly hüjümde 5 adamyň ýogalandygyny, ýaralanan 22 adamdan 3-niň bejergisiniň tamamlanandygyny mälim etdi.
Ministr Ýerlikaýa, hüjümi guran biri zenan 2 terrorçynyň täsirsiz ýagdaýa getirlendigini ýatlatdy.
“Terrory näletleýäris” diýen Ýerlikaýa, terrorçylaryň şahsyýetleriniň anyklanjakdygyny, ilkinji görkezijileriň hüjümiň terror guramasy PKK tarapyndan guralandygyny görkezýändigini belledi.
Ministr Ýerlikaýa, “Milli jebisligimizi we doganlygymyzy nyşana alanlary dolulygyna ýok ederis. Döwletimiz ähli terror guramalarynyň hötdesinden geler” diýdi.