ABŞ-nyň töwellaçylyk etmeginde geçirilýän gepleşiklerde möhüm tapgyra girilýärkä, Waşington sabyrsyzlygyny görkezýär, Moskwa bolsa egilşiksiz tutumyny dowam etdirýär.
ABŞ-nyň Prezidenti Donald Tramp penşenbe güni Russiýa bilen söweşiň bes edilmegi boýunça gazanyljak ylalaşyk üçin Ukraina çalt hereket etmegi barada çagyryş etdi.
Prezident Tramp gijä galynan halatynda Moskwanyň berk tutum alyp barjakdygy dogrusynda duýduryş berdi.
Owal ofisde metbugata beýannama beren Tramp, gepleşiklerde öwrülşik nokadyna goýlandyklaryny we Kiýewiň çalt hereket etmelidigini nygtady.
Tramp “Öňe gidişlik edilmegine garaşýaryn, emma Ukraina çalt hereket etmeli. Gijä galynan halatynda Russiýa garaýşyny üýtgedýär” diýdi.
Prezident Tramp, Amerikaly we Ukrainaly ýolbaşçylaryň söweşiň bes edilmegini maksat edinýän teklibi ara alyp maslahatlaşmak üçin hepdäniň ahyrynda Maýamide geçirjek ýokary derejeli duşuşygyndan öň möhüm beýannama berdi.
Maýami gepleşikleri başlaýar
Ak Tamyň resmilerine görä, ABŞ-nyň ýörite wekili Stiw Witkoff bilen Trampyň giýewi Kuşneriň Florida ştatynda Ukrainanyň adyndan gepleşikleri alyp barýan Rustem Umerow bilen duşuşmagyna garaşylýar.
Ukrainanyň Prezidenti Zelenskiý ýaňy ýakynda beren beýannamasynda Kiýewiň wekilleriniň anna ýada şenbe güni ABŞ-nyň wekilleri bilen duşuşjakdygyny aýdypdy.
ABŞ-nyň wekilleriniň Russiýanyň wekilleri bilen hem aýry duşuşyk geçirmegine garaşylýar.