ABŞ-nyň saýlanan Prezidenti Donald Tramp Asadyň agdarylmagyndan soň Siriýa meselesinde näbelliligiň bardygyny beýan edip, Türkiyäniň ýurduň gelejeginde “möhüm pozisiýa eýelejekdigini” nygtady.
“Mar-a Lago” kabulhanasynda beýanat beren Tramp, Amerikan goşunlarynyň Siriýanyň demirgazyk-gündogaryndan çekilmegi hakynda gönüden garaýyş beýan etmekden çetde durup, Türkiyäniň Prezdenti R.T.Erdogan hakynda öwgüli sözler aýtdy.
Tramp şeýle hem çagalara bolan çemeleşmesi sebäpli Siriýanyň häkimiýetden çetleşdirilen Prezidenti Başar Asady “gassap” diýip häsýetlendirdi we Türkiýe sebitde “möhüm güýç” diýdi.