Britaniýanyň we Wýetnamyň söwda bazarlaryna ünsi jemlän öňdebaryjy halkara logistika we söwda kompaniýasy “TT Meridian” 19-njy maýda Türkmenistanyň üsti bilen Britaniýa-Wýetnam howa arkaly ýük gatnawyny ýola goýýandygyny mälim etdi. Bu barada söwda awiasiýa žurnaly “Airways” ýekşenbe güni habar berdi.
Bu gatnaw “Türkmenhowaýollary” (T5) tarapyndan amala aşyrylyp, bu onuň şu görnüşdäki ilkinji hyzmaty bolup durýar. Bu hyzmat 2021-nji ýylyň maý aýyndaky erkin söwda ylalaşygy ýerine ýetirilenden soň Britaniýa bilen Wýetnamyň arasyndaky ikitaraplaýyn söwdany ýokarlandyrar diýlip garaşylýar.
“TT Meridian” kompaniýasynyň dolandyryjy müdiri Taý Tran täze gatnawyň eksportçylara, importçylara we ýük ekspeditorlaryna söwda bazaryndaky bar bolan göni we gytaklaýyn hyzmatlaryndan başga-da has köp mümkinçilik döretjekdigine ynam bildirdi.
Ýük göterijiligi 30 tonna barabar bolan “A330” kysymly ýük uçary arkaly amala aşyrylýan ýük daşamalary Londanyň Stansted Howa menzilinden ýerli wagt bilen çarşenbe güni agşam ugradylar.Dört sagat geçenden soň ýük uçary Türkmenistanyň Aşgabat halkara howa menziline (ASB) geler we soňra ýerli wagt bilen günortan Wýetnamyň Noý Baý halkara howa menziline (HAN) barar. Ýük uçary yzyna penşenbe güni agşam Noý Baýdan ugrap, 5-6 günden soň çarşenbe güni irden Stansted şäherine barar.