“Hürriýet” gazeti “Erdoganyň “Türkiye asyry” nygtamasy” söz başyly habarynda, Prezident R.T.Erdoganyň düýn paýtagt Ankarada beren beýannamasynda; “Türkiye asyry hyýalymyzyň binagärem, eýesem 85 million ilatymyzdyr” diýen sözlerini çap edýär.
“Sabah” gazeti “Ministr Muş; Eksportumyz 15,4 göterim artdy” söz başyly habarynda, Söwda ministri Mehmet Muşuň beren beýanatynda; “Eksportumyz 2022-nji ýylyň ýanwar-oktýabr aýlarynyň aralygynda geçen ýylyň degişli döwrüne görä 15,4 göterim artyp, 209,5 milliard dollara barabar boldy” diýen sözlerini okyjy köpçüliginiň dykgatyna ýetirýär.
“Star” gazeti “Giannotta: Türkiýe sebitiniň daşynda-da liderlik pozisiýasyny eýeleýär” söz başyly habarynda, Ýewropada enegiýa we tebigy gaz ýetmezçiliginiň günsaýyn artýandygyny beýan eden İtaliýanyň Halkara syýasaty öwreniş merkeziniň Türkiýe boýunça bilermeni Doktor Waleriýa Giannottanyň galla geçelgesiniň gaýtadan açylmagy hakynda; “Türkiýäniň bu meselede möhüm pozisiýa eýeländigini nygtalyň. Bu liderlik sebiti aşýan liderlik” diýen sözlerine ünsleri çekýär.
“Ýeni Şafak” gazeti “TOGG-uň iň halanan reňki yglan edildi” söz başyly habarynda, Türkiýäniň ýerli awtoulagy “TOGG-uň” sosial media hasabyndan geçirilen sowalnama görä ulagyň iň halanan reňki “Kappadokiýa” bolandygyny mälim edýär.
“Haber Türk” gazeti “Datça ilkinji kruiz gämisi geldi” söz başyly habarynda, Mugla welaýatynyň Datça etrabyna düýn ilkinji kruiz gämisiniň gelendigini aýan edýär. Etrabyň ýalpaklaryna labyryny taşlan “The World” atly ýokary amatlykly kruizdäki 192 ýolagçy gaýyklar bilen kenara getirildi.