“Sta” gazeti “Türkiýe Şwesiýa ultimatum berdi: Kepillikleriňizi berjaý ediň!” söz başyly habarynda, Adalat we ösüş partiýasynyň Metbugat sekretary Ömer Çeligiň; “Şwesiýanyň paýtagty Stokgolmda terror guramasy PKK/ÝPG-niň ýaranlarynyň Türkiýe Respublikasyna we Prezident R.T.Erdogana garşy geçiren meçew beriji aksiýasyna geçirimlilik eden Şwesiýanyň degişli edaralarynyň çemeleşmesini berk ýazgarýarys. Şwesiýanyň degişli edaralary kepilliklerini berjaý etmeli” diýendigini ýazýar.
“Hürriýet” gazeti “ÝB-niň Türkiýä wyza ýeňilligi hakyndaky beýanaty” söz başyly habarynda, ÝB-niň ýkary derejeli resmilerinden biriniň; “Türkiýäniň wyza erkinligi meselesi güýz aýlarynda ara alynyp maslahatlaşylar. Türkiýe ençeme umumy bähbit giňişliginde dalaşgär ýurt we güýçli pozisiýasyny goraýar” diýen sözlerini çap edýar.
“Sabah” gazeti “Doýçe Welläniň gönükdiriş operasiýasy paş boldy” söz başyly habarynda, merkezi Germaniýada ýerleşýän ýaýlym organy “Doýçe Welläniň” Mugla welaýatynyň Milas etrabyndaky termiki elektrik beketleri boýunça synanşan gönükdiriji operasiýasynyň ýene-de bir gezek paş bolandygyny okyjy köpçüliginiň dykgatyna ýetirýär. “DW” nemes hökümeti kömür bilen işleýän elektrik beketlerini ulanmaga beren bolsa, Milasdaky beketleri “Halkyň saglygyna howp salýar” görnüşinde habar berdi.
“Haber Türk” gazeti “Awtomobil eksporty iýul aýynda 33 göterim artdy” söz başyly habarynda, Türkiýäniň awtomobil pudagynyň iýul aýynda 33,2 göterim artyş bilen 2,7 milliard dollarlyk eksporty amala aşyrandygyny ýazýar. Pudagyň ýanwar-iýul aýlarynyň aralygyndaky eksporty bolsa 16 göterim ýokarlap, 20,1 milliard dolara deň boldy.
“Ýeni Şafak” gazeti “Mete Gazoz dünýä çempiony” söz başyly habarynda, milli mergen Mete Gazozuň Germaniýanyň paýtagty Berlinde geçirilýän Bütindünýä Mergenlik çempionadynyň finalynda kanadaly bäsdeşi Erik Peteri utup, çempion bolandygyny okyjy köpçüliginiň dykgatyna ýetirýär.