Şu günden ― 2023-nji ýylyň 3-nji ýanwaryndan başlap, Türkmenistandan Türkiýe Respublikasyna gitmek isleýänler wiza almak üçin ýene-de bir goşmaça resminamany almaly bolarlar.
Bu barada Türkiýe Respublikasynyň Aşgabatdaky ilçihanasynyň Türkiýä wiza ýüztutma merkeziniň resmi saýty arkaly habar berildi.
Habarda aýdylyşy ýaly, mundan beýläk, Türkiýä gidýän Türkmenistanyň raýatlary Razylyk beýannamasyny almalydyrlar. Bu beýannama merkeziň özünden alynýar.
Razylyk beýannamasy merkezde gol çekilen anketa goşulmalydyr.
Goşmaça resminama baradaky sowallara merkeziň sowal-jogap gullugy ýa-da elektron poçta arkaly jogap berilýär.
Merkeziň elektron salgysy: helpline.turkmenistan@gateway.com.tr Sowal-jogap gullugy: +99312400212