Energetika we tebigi serişdeler ministri Alparslan Baýraktar, daşky gurşawa utgaşykly ýagdaýda Türkiýäniň ýokary hili nebitini Şyrnagyň Gabar etrapçasynda öndürmäge başlandyklaryny aýtdy.
Ministr Alparslan Baýraktar, paýtagt Ankarada beren beýannamasynda gaýtadan işlenýän energiýa çeşmelerinden peýdalanýandyklaryny, şol bir wagtda nebit we tebigy gaz ýaly beýleki ýerli çeşmeleriň ykdysadyýete uly goşant goşmagynyň üstünde işleýändiklerini belledi.
Alparslan Baýraktar, “Daşky gurşawa utgaşykly ýagdaýda Türkiýäniň ýokary hili nebitini Şyrnagyň Gabar etrapçasynda öndürmäge başladyk. Günde ortaça 47 müň barrel nebit öndürýäris. Mundan başgada Gara deňizde Sakarýa tebigy gaz giňişliginde ortaça 2,6 million hojalyga ýeter ýaly tebigy gaz öndürmäge başladyk” diýildi.
Zonguldakda 170 kilometr çuňlykda tebigy gaz gözleg işleriniň dowam edýändiklerini aýdan Energetika we tebigi serişdeler ministri Alparslan Baýraktar, “Türkiýäniň energetika pudagy boýunça doly garaşsyz bolmagyny maksat edinýäris” diýip belledi.