Ispaniýanyň Kambrils şäherinde geçirilen adaty karate boýunça dünýä çempionatynda türkmen türgenleri bir kümüş we iki bürünç medal gazandylar.
En-bu jübüt çykyşynda Selim Muratdurdyýew we Nurgeldi Annagurbanow kümüş medallaryň eýeleri boldular. Kumite boýunça şahsy bäsleşiklerde Selim Muratdurdyýew türkmen ýygyndysynyň hasabyna bürünç medal getirmegi başardy. Ýene bir bürünç medaly türkmen türgenleri toparlaýyn kumite bäsleşiginde gazandylar, bu ýerde Hemra Begjanow, Kemal Ataýew, Selim Muratdurdyýew we Eziz Zekerýaýew dagy tapawutlandylar.
Ispaniýada geçirilen çempionata dünýäniň 17 ýurdundan jemi 500-den gowrak türgen gatnaşdy. Çempionatyň bäsleşiklerinde Türkmenistanyň ýygyndysyna 10 karateçi wekilçilik etdi.