Gruziýanyň Sinandali şäherinde nusgawy sazlaryň muşdaklary üçin 31-nji awgust 10-njy sentýabr aralygynda sazçylyk festiwaly geçiriler. Festiwalda Janandrea Nozeda, Manfred Honek, Wahtang Kahidze we Kristof Konts ýaly dirižýorlar, şeýle hem Ýefim Bronfman, Tsotne Zedginidze, Nobuýuki Suji, Aleksandr Malofeýew ýaly wirtuoz solistler we beýlekiler çykyş ederler.
Bu festiwalda Pan Caucasian youth orchestra atly orkestrada bütindünýä sazandalary bilen bilelikde Türkmenistandan 7 adam Selbinýaz Mulkamanowa, Altyn Nurmyradowa, Aýlar Annamyradowa, Gözel Matkarimowa, Döwran Gylyjow, Ysmaýyl Sähetmyradow, Aýlar Botaýarowa çykyş ederler. Bu sazandalar Italiýada şu ýylyň 25-nji fewralynda geçirilen bäsleşigiň ýeňijileridir.